രാത്രിയില്‍ ഇടയ്ക്കിടെ മൂത്രമൊഴിക്കാന്‍ തോന്നുന്നുണ്ടോ, ഈ രോഗങ്ങളുടെ ലക്ഷണമാകാം

രാത്രിയില്‍ ഇടയ്ക്കിടെ മൂത്രമൊഴിക്കുന്ന സ്വഭാവമുള്ള ആളാണോ നിങ്ങള്‍, ഇതൊരു സാധാരണ കാര്യമാണെന്ന് കരുതിയിരിക്കുകയാണോ, എന്നാല്‍ അങ്ങനെയല്ല. ഒരല്‍പം ശ്രദ്ധിക്കേണ്ട വിഷയമാണിത്. ഉറക്കം ഇല്ലാതാക്കുക എന്നതിലുപരി വളരെ ഗുരുതരമായ ആരോഗ്യ പ്രശ്‌നങ്ങളിലേക്കാണ് ഈ ലക്ഷണം നയിക്കുന്നത്. രാത്രിയിലെ ഇടയ്ക്കിടെയുളള മൂത്രമൊഴിക്കലും അതുമായി ബന്ധപ്പെട്ട ആരോഗ്യ പ്രശ്‌നങ്ങളും എന്തൊക്കെയാണെന്ന് അറിയാം.

പ്രമേഹം

പ്രമേഹം ഉളളവരില്‍ കാണപ്പെടുന്ന പോളിയൂറിയ എന്ന അവസ്ഥയാണ് അമിതമായി മൂത്രമൊഴിക്കുന്നതിന് കാരണമാകുന്നത്. പ്രമേഹമുള്ളവര്‍ക്ക് ശരീരത്തിലെ ഗ്ലൂക്കോസിന്റെ അളവ് നിയന്ത്രിക്കാന്‍ കഴിയില്ല. ഇത് അവരുടെ രക്തത്തില്‍ ഗ്ലൂക്കോസിന്റെ അളവ് അമിതമായി അടിഞ്ഞുകൂടുന്നതിന് കാരണമാകുന്നു. ഇത് ഫില്‍ട്ടര്‍ ചെയ്യാന്‍ വൃക്ക അമിതമായി പ്രവര്‍ത്തിക്കുന്നു. വൃക്കകള്‍ അമിതമായി പ്രവര്‍ത്തിക്കുമ്പോള്‍ അധിക ഗ്ലൂക്കോസ് മൂത്രത്തിലേക്ക് പുറന്തള്ളപ്പെടുന്നു.

ഗ്ലൂക്കോസിനൊപ്പം ശരീരത്തിലെ ദ്രാവകങ്ങളും അധിക ഗ്ലൂക്കോസിനൊപ്പം പുറന്തള്ളപ്പെടുന്നു. ഇത് നിര്‍ജ്ജലീകരണത്തിനും ദാഹത്തിനും കാരണമാകുന്നു. ഇത് നിങ്ങള്‍ സാധാരണ കുടിക്കുന്നതിനേക്കാള്‍ കൂടുതല്‍ വെള്ളം കുടിക്കാന്‍ ഇടയാക്കും. നിങ്ങള്‍ വെള്ളം കുടിക്കുന്നത് വര്‍ദ്ധിക്കുമ്പോള്‍ മൂത്രമൊഴിക്കലും കൂടുന്നു. അതുകൊണ്ട് തന്നെ അമിതമായ മൂത്രമൊഴിക്കല്‍ പ്രമേഹത്തിന്റെ ആരംഭ ലക്ഷണങ്ങളിലൊന്നാണ്.

അണുബാധ

മൂത്രാശയ അണുബാധ(UTI) എന്നത് വളരെ സാധാരണമായി കാണപ്പെടുന്ന ഒരു തരം അണുബാധയാണ്. ബാക്ടീരിയകള്‍, പ്രത്യേകിച്ച് ഇ. കോളി ആണ് യുടിഐകളുടെ ഏറ്റവും സാധാരണ കാരണം. ഇടയ്ക്കിടെ മൂത്രമൊഴിക്കേണ്ടിവരുന്നത്, മൂത്രമൊഴിക്കുമ്പോള്‍ വേദന, വശത്തോ താഴത്തെ പുറകിലോ വേദന എന്നിവയാണ് ലക്ഷണങ്ങള്‍. മൂത്രനാളിയില്‍ ഉണ്ടാകുന്ന അണുബാധകള്‍ പല വിധത്തിലാണ് ബാധിക്കാറ്. ഈ അണുബാധകള്‍ വൃക്കകളിലോ മൂത്രാശയത്തിലോ ബുദ്ധിമുട്ടുകള്‍ ഉണ്ടാക്കുന്നു. ഇതിന്റെ ഫലമായി പലപ്പോഴും രാത്രിയില്‍ അമിതമായി മൂത്രമൊഴിക്കേണ്ട അവസ്ഥ ഉണ്ടാകുന്നു.

ഓവര്‍ ആക്ടീവ് ബ്ലാഡര്‍മൂത്രത്തിന്റെ തീവ്രത, ആവൃതി, നോക്റ്റിയൂറിയ എന്നിവ മൂലം സംഭവിക്കുന്ന ഒരു അവസ്ഥയാണ് ഓവര്‍ ആക്ടീവ് ബ്ലാഡര്‍(OAB). ഈ അവസ്ഥയുളള വ്യക്തികള്‍ക്ക് മൂത്രമൊഴിക്കുന്നതിനുള്ള സാധ്യത ഇടയ്ക്കിടെ വര്‍ധിക്കുന്നു. ഓവര്‍ ആക്ടീവ് ബ്ലാഡര്‍ ഉള്ളവര്‍ക്ക് ഒരു ദിവസം എട്ട് പ്രാവശ്യം എങ്കിലും മൂത്രമൊഴിക്കേണ്ടി വരാറുണ്ട്.

Content Highlights :Feeling like you need to urinate frequently at night could be a symptom of these diseases. This symptom can lead to more serious health problems than just disrupting sleep